Mir sin e Waageclique us Oberwil (BL) wo 1992 gründet worde isch und sit 2015 am Basler Cortége teilnimmt. Unser Ziel isch es jedes Joor e neue, sujetbezogene Waage z designe und den z baue. Baulichi Gränze kenne mir nit und jedes Hindernis isch für uns e witeri Herusforderig.

Selbschtverständlich söll au bi uns s gsellschaftliche nit z kurz cho und us däm Grund sin mr au am einte odere andere Fescht mit vo dr Partie.

Sit einige Joore findet jewils gege ändi Joor unser gmietlichs Fondue-Stübli statt. Dört chönnet ihr Euch  mit em beschte Fasnachts-Fondue vom Leymedaal und me feine Wysswy us Biel-Bängge verwöhne loh.

E witere Höhepunkt isch unseri Waagevernissage wo unsere Waage präsentiert und igweiht wird. Musikalisch wärde mir vo unserer Privatgugge de Schrumpfkepf us Basel verwöhnt.

Jeses hän mir e Durscht...

Aktuell:


Mir sin am Drummeli aktiv drbi. Do Bilder derzue --> Klick


Do findsch alli Informatione zu dr Fasnacht 2017.

Unseri Vernissage findet am 04.03.2017 in Muttenz statt. Do s Plakat derzue --> Klick

Und do dr Routeplan und unseri Abfahrtszyt und Ort vom Cortège --> Klick



Bi dr Wahl zum goldige Räppli hän mrs im 2016 uf dr sensationelli 5. Rang (vo 131 gmäldete Wääge) gschafft. Au das Joor cha me wieder Abstimme. Mir würde uns über Euri Stimm riesig freue. Unseri Wagenummere isch wie letscht Joor s 032

Copyright © Wageclique Schnäggefrässer 1992

Datenschutz / Impressum

Folg uns uf...