Aktuell:


Jupeeeee, mir hän Zuewachs becho. Mir freue uns grad 4 neui Frässer chönne z präsentiere. Herzlich willkomme Sandra, Bernadette, Siro und Dani

Mir sin e Waageclique us Oberwil (BL) wo 1992 gründet worde isch und sit 2015 am Basler Cortége teilnimmt. Unser Ziel isch es jedes Joor e neue, sujetbezogene Waage z designe und den z baue. Baulichi Gränze kenne mir nit und jedes Hindernis isch für uns e witeri Herusforderig.

Selbschtverständlich söll au bi uns s gsellschaftliche nit z kurz cho und us däm Grund sin mr au am einte odere andere Fescht mit vo dr Partie.

Sit einige Joore findet jewils gege ändi Joor unser gmietlichs Fondue-Stübli statt. Dört chönnet ihr Euch  mit em beschte Fasnachts-Fondue vom Leymedaal und me feine Wysswy us Biel-Bängge verwöhne loh.

E witere Höhepunkt isch unseri Waagevernissage wo unsere Waage präsentiert und igweiht wird. Musikalisch wärde mir vo unserer Privatgugge de Schrumpfkepf us Basel verwöhnt.

Jeses hän mir e Durscht...

Copyright © Wageclique Schnäggefrässer 1992

Datenschutz / Impressum

Folg uns uf...